BALI
Budayané nglimbak sayan jaya macaya
Adat drestané kukuh ngiket luir samaya
Lontaré nguét Aksara ngraksa sastra
Iti Bali Dwipa kaloktah jagat Déwata
Timuhun, 14 Januari 2026
KLUNGKUNG
Kerta Gosa tur Taman Gili ngulangunin cita
Lukisan Wayang Kamasan satia nyuratang crita
Udiana kota rasmi ngiasin Semarapura
Nusa Penida, Lémbongan, Ceningan ngromba
Goa Lawah tur Watuklotok ngraksa segara
Klungkung mahottama
Ugi ngutamayang dharmaning ksatria
Ning jangih maklenting genta Budaga
Gambelan Tihingan nembangang gita semara
Timuhun, 14 Januari 2026
____
Indik Pangawi
Madé Suar-Timuhun wantah I Madé Suartana, saking Désa Timuhun Klungkung. Sampun ngamedalang asiki buku pupulan puisi Bali miwah tatiga buku pupulan cerpén mabasa Bali. Sané mangkin kantun ngayah ring Dinas Kebudayaan Provinsi Bali.
